استفسار عن الزكاة
السلام عليكم
شيخنا الفاضل عندي استفسار عن الزكاة أول شي إذا ممكن توضحي الزكاة بشكل مبسط وواجبة على من ؟ لو شخص يملك أرض أو محل تجاري هل عليه زكاة ؟ والسؤال اللي مسجل علشانه وإن شاء الله تفيدني بالجواب الوافي وأسمحلي بتكلم بالعامية أنا من فترة طويلة تقريباً 3 سنين أو أكثر أجمع مبلغ من كل راتب علشان أشتري سيارة يكون عندي مثلاً 20 ألف وأحط فوقها كم ألف وبعض المرات أصرف منها بس غالباً بعد ماوصلت تقريباً 70 ألف ماعاد تنقص يعني أزودها شوي وتوصل 80 وأصرف مثلاً 5 آلاف وهكذا أتمنى تكون الصورة وضحت وكل هالفترة ماطلعت الزكاة استغفر الله لأني حسب ماأعرف إن المال إذا كان الشخص ياخذ منه مافيه زكاة والحين صراحة فكرت فيها مادري أنا كان علي زكاة أو لا ؟ لأني مثل ماقلت بعد ماوصلت مبلغ معين ماعاد ينقص المبلغ إلا أن وصلت مبلغ السيارة وشريت السيارة قبل فترة بسيطة الحين ياشيخ هل كان من المفترض أخرج الزكاة ؟ وإذا كان نعم هل أحسب الآن مبلغ السيارة وأخرج زكاته؟ والله يجزاك خير |
الحمدلله والصلاة والسلام على رسول الله وعلى آله وصحبه أجمعين ونسأل الله لنا ولكم الثبات والتوفيق
وعليكم السلام ورحمة الله وبركاته الزكاة في الإسلام ركن من أركانه أوجبها الله عز وجل على من عنده مال قد بلغ النصاب يدفعها عند الحول لقول الله تعالى ( وأتوا الزكاة ) فالمال الذي عندك تجب فيه الزكاة عند مضي الحول حتى ولو أنفقت منه خلال العام فمثلا لو لديك مبلغ وقدره ستون ألف قبل مضي الحول صرفت منه عشرة آلاف ريال فتبقي خمسون الف فإنك تزكي الخمسين وهكذا . |
استغفر الله ماكنت أدري
طيب ياشيخ الحين وش أسوي ؟ أحسب الزكاة اللي في مبلغ السيارة وأخرجها ولا كيف ؟ |
المبلغ الذي إشتريت به السيارة تخرج عن كل الأف ريال خمسة وعشرين ريالاً لأنه مال مضى عليه الحول وهو عندك تجب فيه الزكاة .
|
الله يجزاك خير ياشيخ
وإذا ممكن آخر إستفسار لو عندي مبلغ مثلاً 10000 بتاريخ اليوم يعني بعد سنة إذا المبلغ معي مانقص منه شي أخرج زكاته صح ؟ طيب إذا مثلاً بعد نص سنة صار 20000 بعد ماتكتمل السنة أزكي العشر آلاف أو العشرين ألف ؟ صراحة مافهمت الطريقة بالضبط |
ومبلغ الزكاة أفضل أعطيه جمعية خيرية ؟
|
هذا المبلغ إذا حال عليه الحول سواء زاد أو نقص منه فإنه يزكي إذا مضى الحول ما دام نصاباً .
فمثلاً لو أن عندك في أول السنة عشرة آلاف وزادت حتى بلغت إلى عشرين ألف ريال فتزكي هذا المبلغ كاملاً . |
الساعة الآن 06:09 AM. |
Powered by vBulletin® Version 3.8.0
Copyright ©2000 - 2024, Jelsoft Enterprises Ltd.