لا حول ولا قوة الا بالله العلى العظيم

[البلبلة]

بسم الله الرحمن الرحيم
السلام عليكم ورحمة الله وبركاته
يا شيخ المشكلة هذه تخصني انا اكثر من اطفالي اريد منك ان تساعدني في ايجاد حل لها وان ترشدني هل انا على حق ام لا وهي
زوجي عصبي جدا وعلاقته معي ومع الاولاد بها خشونة قليلا ما يلعب معهم او يرفق بهم المشكلة الكبرى التي تنغص حياتنا هي اهلة كل فلوس زوجي ضايعه عليهم احنا مغتربين والغربة ضريبة صعبة جدا وهذا ما يجعلني متوترة دائما زوجي قبل عدة سنوات اشترى سيارة بمبلغ كبير لدرجة انه تداين واخذ دهب من عندي واشتراها ووعدني باحضار الدهب ولاكنه بعد ذلك اخلف وعده ويمكن ده سبب المشكلة ايضا المهم انه ترك السيارة لاخوه بحجة ان ما يخرج منها يكون لابية وامه واخوه ايضا المشكلة بعد كام شهر اخوه قال له ان السيارة مش بتجيب فلوس واعطالها كثيرة لدرجة انه خلى زوجي يرسله فلوس يصلحها وبدا يبعت مصاريف لابوه وامه المشكلة عندي مش انه يبعت لابوه المشكله في السيارة قولتله بعها رفض يقول فاتحه لاخويا بيت طيب منين بيقول اخوه مش جايبة فلوس ومنين جايبه اهي وفاتحه بيت ؟ طيب قولتلة جيب دهبي رفض وقالي انا اللي اشتريتهولك الموضوع ده خلاني اكره اخوه واهله كلهم حسيت انه مش مدرك انه متزوج وعنده بيت واطفال ليهم حق عليه المشكلة التانيه والاكبر انه اشترى ارض واتداينا برضو ووقفت جنبه وبعد كده اداها لاخوه ده بعينه واخ تاني يزرعها وبيسيب لهم الايجار يعني الارض باسمنا بس ومش مستفيدين حاجه قولتله حرام عليك كل شئ وله العدل وخير الامور الوسط مش مشكلة انك تساعد اهلك لاكن في المعقول مساعدهم بارض خد ايجار مساعد بسيارة خد نسبة السيارة يا شيخ اشتراها ب 60 الف بعد سنتين تلاته اخوه بهدلها وكان يديها لعيالة الصغار يسوقوها بوظوها ومتجبش 20 الف حاليا يبقى حرام كده ولا لا لو ان كان بيدخلنا منها دخل كنا قولنا مش مشكله لاكن يدي اخوه 60 الف من قوتي وقوت عيالي كده حرام احنا مش متغربين علشان ناكل ونشرب حاسه ان عمري ضاع هباء صحتي راحت عليه وعلى عياله مفكرش طول عشرة 9 سنين غربة يجبلي خاتم او يجيب لبنت من البنات حلق دهب عيالي لابسين حلقان عادية مش دهب جيراني حولي بيخرجو ويجيبو ويتفسحوا قدامي وانا بتحصر على حالي مش عارفه جوزي بيعمل معانا كده ليه حابسنا انا وعياله رافض يجبلنا احتياجاتنا رافض يفسحنا على طول بيشتم في قدام العيال ولما اتكلم معاه بهدوء يقولي انا كده واسلوبي كده لو عاجبك لدرجة اني كل ما اطلب منه حاجه او اشورة في حاجه يقولي خدي منابك صمت عاوزني اقعد في البيت كاني مليش اي صفه كان الست بالنسبة للراجل الة يحركها بكيفه لما يشورني في حاجه لو شرت عليه على غير مرامة يقولي اسكتي مبدأه مفيش حاجه اسمها صلة رحم للست يدايق لو لقيني بكلم اهلي مع ان اهلي احسن منه اصلا وفصلا وماديا ووالدي زوجني ليه لانه شاف انه على خلق ودين لاكن للاسف بعد الزواج اكتشفت غير كده زوجي يمكن المرات اللي صلى الفجر فيها جماعه تتعد والصلاة في المسجد بالنسبالة حاجه عادية ممكن اليوم كلة يعدي ميصليش فرض في المسجد بيصلي في البيت صلاة الجمعه دايما بيروح والشيخ في الخطبة واصحية بدري واقوله حافظ على الصلاة في المسجد علشان ابنك بياخدك قدوة مفيش فايده يشتمني ويقولي ملكيش دخل خليكي في نفسك حياتنا كلها مشاكل كرهت اهله من معاملته واهتمامة الزايد بيهم واهماله لي ولعيالة بيديق على وعلي عياله ويروح يدي الفلوس لاخوه كأن معمول عمل لزوجي بكده لان زوجي اتغير جدا بعد ما بدا قرب من اخوه ده وخاصة اخوه ده غير متعلم لاكنه لاغي شخصية زوجي نهائي المشكلة انهم بيشوفو زوجي بيعمل الغلط ويقولولو امين امين وبيريحوه فده مخليه مبسوط اما انا لما بخاف عليه واقولة الصح والغلط بكون وحشه وبكده بعانده والمشكلة ان ابوه حسبي الله ونعم الوكيل فيه رباه علي انه دايما صح وخاصة ان زوجي المتعلم الوحيد في اخواته تعليم عالي فحسسوه انه ملاك مبيغلطش ولو عارضتهم يطلعوني غلطانة برضو تعبت اعمل ايه انا كتير بقول اخليني في حالي واسيبة براحته لاكن ارجع واقول ليه كده حرام فين تمن غربتنا حاسة اننا متغربين علشان اخواته عيالي رافض يجبلهم مدرس رافض يعلمهم تعليم كويس رافض يذاكرلهم مستخصر يدفه فلوس لتعليمهم او تحفيظهم ليه لو انه بيصرف عليهم وحاسه انه مش بخلان عليهم في تعليمهم كنت يمكن هديت شوية لاكن يوفر من صحتنا وقوتنا ويديه لاخواته كده حرام حرام عيالي بتضيع وهو مغيب عقليا اخواته وابوة واخدين عقله فكرت اطلق لاكن قولت اروح فين بعيالي قابلة الزل والمهانة وقلة القيمة علشانهم زوجي كرهني في حياتي دموعي دبلتني كل شوية افتكر واقول ليه كده السر في مين انا غلط ولا هو طيب ليه بيحصل معانا كده هل دي عين وحسد ولا غضب من ربنا اعمل ايه مش قادرة اطنش اللي بيعملة لما اقولة جيب لبنتك حلق دهب يقولي مش معايا فلوس واكتشف انه باعت مبلغ كبير لابوه واخوه ولما ابني يكون نفسه في لعبة معينه ومنجبهاش ونقول غالية والاقيه موفر الفلوس وباعت عشر اطعاف تمنها لاخوه وابن اخوه جايب موتسيكل بنزين بفلوسنا في حين ان احنا هنا استخصرناه في ابننا يبقى ده اسمه ايه مش قادرة تعبت يا ربي ومش عارفه قرفت وكرهت الفلوس والناس والحياه ونفسي وكل حاجه في الدنيا كرهت الاكل والشرب واللبس جوزي خلاني دموعي مبتنشفش بكتبلك يا شيخ ودموعي سابقاني مش عارفه انا صح ولا غلط ولا مين غلط ولا الحياة غلط ولا الناس غلط ادعيلي ربنا يهديني للصواب ويزيح عننا الغمة دي انا والله مش عاوزه فلوس وعمري ما طلبت من زوجي حاجه زات قيمة راضية بالقليل عايشه في شقه عادية اقصي متطلبناتنا اكل وشرب ولبس بجيب لبس من المخفض كمان علشان اوفر وبوفرله في الاكل والشرب وفي كل حاجه وبقول علشان عيالي ولما اكتشف ان كل اللي بعمله وبوفره بيروح من ورايا ويبعته لاخوه يصلح بيه العربية ويجددها في حين ان المفروض ان اخوه هو يجددها ويرجعهالنا زي ما كانت لا وفوق ده كله يبعت فلوس مصاريف كده حرام والله حرام عليه حابسنا في الغربة ومضيق علينا وشايف ان كويس جدا علينا انه بياكلنا ويشربنا ليه لو شغالة عنده هتاكل وتشرب وتاخد راتب كمان حاسة اني مش محصلة الشغالة انا رافضة اشتكي لاهلي علشان عيالي وعلشان ميكرهوش زوجي ولما اشتكيت لابوه للأسف واخوه ايوا زوجي وده طبيعي لانهم مستفيدين منه وواخدين خيرنا كلة يبقى يعارضوه ليه
ارجوك يا شيخ تقرا رسالتي انا اختصرت فيها قدر الامكان لاكن اريدك قرءتها بتمعن واعتبرني اخت ليك وطالبة النصيحه عارفه انكى مش ملاك لاكن واقسملك بالله يا شيخ ان انا لو لقيت من زوجي المعاملة الطيبة والاحترام والاهتمام والتقدير مكنش ده يكون حالي انا الحمد لله كل اهلي واصحابي وجيراني يشهدولي بالطيبة والادب والكرم ولسه اتعرفت علي ناس من فترة في العمرة ستات كبار بيدعولي بظهر الغيب انا مش وحشه لاكن المعاملة السيئة من زوجي حاساها هتدمرني نفسيا وصحيا وكل خوفي على عيالي تعبوا ايضا من العلاقة المتوترة بيني وبين ابوهم لدرجة انهم بيكرهو بعض وطول النهار خناق مع بعض وضرب في البعض وحدش في عيالي طايق كلمة للتاني والسبب ابوهم
فوضت امري الي الله ولا حول ولا قوة الا باللةه العلي العظيم
و السلام عليكم ورحمة الله وبركاته