عاااجل~

[noor alotaiby]

السلام عليــــــــــكم ورحمةة الله وبركـــــــآته..~

ياشيخنآ أبغى أقول لك قصتي ارجو السماح ان كانت طويله بس احس اني ضايعه ولا أعرف انا وش عليه ..

أنا لحد صف أول متوسط وأنا اسمع اغاني وبشكل كبير ومزمن واتابع مسلسلات ودايم اتنرفز واعصب وعلى امي بعد كنت اراددها ..

(هنا ماني عارفه بسبب العمر ولايبين بي دين وضمير وفترة مراهقه أو ان هذي طبيعتي).

المهم وانا ناجحه لثاني متوسط الوالد شال القنوات اللي فيها موسيقى وحط قنوات دينيه

وكنت ابكي وزعلانه ابغى القنوات ..

المهم وبأحد القنوات كان فيه برنامج به شاب ماشاء الله جريء لكن مؤدب والقناه اللي مشارك

فيها مابها موسيقى وقناة دينيه يعني معروفه ..

(ومازال إلى الآن يُثنى عليه حتى خارج نطاق الظهور على الشاشات يعني يبين الشخص اللي ماشاء الله عليه ما أزكيه على الله لكن هذآ الواضـح ).

المهم .. ان بدى يعجبني والله يشهد من ناحية الاخلاق والله يعلم ياشيخ ان ماناظرت شكله ولا اهتميت ..

وصرت أدعي ان الله يكتبه لي ويكون به الخير والله شاهد ماقصدي اي شي ثاني ..

وماني من اللي تحب ولو به عيب بعد تحبه عادي والغلط تشوفه شي حلو اذا كان منه لا ابدآ

ياشيخ انا متابعه له الى الآن ..

ولما يعمل شي خطأ أنقهر ماودي يكون كذآ وادعي الله انه يبعد عن هالغلط ويتعدل ..


وبديت ياشيخ يعني اهتم بالأشيآء اللي تخص اجابة الدعاء ومثل ماتقول بديت اثقف نفسي دينيآ ..

والحمد لله التزمت .. واي شي اقدر اعمله للدين اعمله وامشي على حديث الرسول صلى الله عليه وسلم طوبى للغربآء). وأتشرف اكون غريبه وعن قناعه من الداخل ..

وأنا لما فكرت من ناحية ليش ابوي مسح القنوات وشفت هالشخص

ممكن يكون خيره من الله عشآن انتبه لنفسي دينيآ ومن الله ثم هذآ الدعاء تهذبت ..

ومازلت ياشيخ ادعي الله إلى الآن وهذي السنه السآدسه تقريبآ أو السآبعه وأنا أدعي..

- هل ياشيخ اكون من الناس اللي يدعون الله بسبب شي ؟؟

- أنا على غلط ولا لأ ؟؟

- فيه نقطه بي ملاحظتها من وانا صغيره ان الحمد لله ضميري حي ..
يعني بي دين اصلا من الداخل وما أكون ديَنت بسبب هالشخص ؟؟

__________________________________________________ ___

ياشيخ اللي خلاني أسأل جتني رسآله , هذآ نصهآ :.

اتصلت بنت على الشيخ خالد الجبير وقالت انها جلست 4 سنوات تقوم الليل تصلي وتدعي تصوم , واجتهدت في العباده عشان الله يزوجها ولد عمها ..
المهم ان ولد عمها خطب بنت عمه الثانيه .. هي انصدمت وتركت صلاتها وصيامها واللي كانت تتعبد الله فيه وما صارت مثل قبل كرهت حالتها ووضعها ..
هي سألت الشيخ خالد الجبير ..
قال: الحل بسورة الحج آية 11..
هذي الآيه هي ( ومن الناس من يعبد الله على حرف فإن اصابه خير اطمأن به وإن اصابته فتنه انقلب على وجهه خسر الدنيا والآخرة ذلك هو الخسران المبين ))..

= حرف / تعني شرط .

- هل اكون مثلها ياشيخ والله اني خايفه وأتمنى تفيدني وتطمني ..

الله يجزآآآآك عن كل المسلمين كل خير ..