استشارة الشيخ ماخاب من استشار ولاندم من استخار ... بإستطاعتك الان استشارت الشيخ بجميع امورك العمليه والاسريه ....

إضافة رد
 
أدوات الموضوع انواع عرض الموضوع
قديم 02-24-2018, 11:15 AM   #1
الحزن عنواني
عضـــو جديـــــد
 
تاريخ التسجيل: Feb 2018
المشاركات: 1
افتراضي خطيبتي تركتني😥

انا عمري 29 وبحب واحدة عمرها 20 سنه بحبها اكتر من 3 سنين ولمن دخلت حياتها كانت هي مرت ب تجربه حب وفشلت وقالت ما عاوزة تحب تاني لانو الحب كلام فاضي المهم بقيت اتكلم معاها علي أساس صاحبه وهي بت اهلي ف نفس الوقت وكل مرة علاقتنا ماشه كويسة وبنتكلم كل يوم ب الساعات وممكن في اليوم كم مرة المهم واتواصلت معاها كدا كم مرة لمحت لها أني بحبها وعاوزة بس كانت بتتجنب الحته دي
وبعد فترة صارحتها رفضت .
المهم أخت يومين وتاني رجعت اتكلم معاها اي واحد بحكي للتاني يومو كان كيف من الصباح لحدي المساء وبتحكي ل اي حاجه حتي عن صحباته واصحابه ما كان بتعرف اولاد كدا الا من الأهل وما بتتكلم مع اي واحد الا معاي حتي مرات بنتكلم لمن نكون فاضين اليوم كلو واستمرينا كدا ل اكتر من سنه وما حصل يوم ما اتكلمنا مع بعض واتوفقت هي في دراستها ودخلت الجامعه وانا أخت اجازة وجئت عشانها ولمن صارحتها وقلت ليها عاوز اخطبك رفضت برضو وكنت محتار لانو اقرب واحد ليها انا واكتر واحد بتكلم معاها وكنت كل يوم معاها وضغط عليها عشان اعرف سبب الرافض وصارحتني انها معجبه بواحد شديد وكل يوم إعجابها بذيد وساكن ف نفس منطقتهم وسالت هو بحبك ردت ما عارفه متواصلين ع أساس أصدقاء وجيران لتتواصل معاهو ب الرسائل بس وما طوالي وبس دا السبب وانا ما عاوزة ارتبط .
وقعت شهر كل يوم معاها لوصله الجامعه ف طريقي ويومنا معظمو مع بعض ف اخر 10 يوم من الإجازة قلت ليها انا تاني ما بقدر أتواصل معاك لانو نحن أهل اول حاجه وبتنكلم يومي ف التلفون لحدي الصبح وبتطلع مع بعض ونظري قدام إبوك او امك حيكون كيف ما صاح ولازم علاقتنا تكون رسمية غير كدا لا وهي اصرت انها نتواصل زي ما نحن انا رفض وقلت ليها اتاكدي من انو الولد المعجبه بيهو عاوزك ولا لا قالت ما عارفه وما بتقدر تتصارحو وهي بتحبو شديد وما عارفه انهو بحبها ولا لا بعد ضغط عليها أني حجي أتقدم ليها رسمي وبعد 3 يوم اتقدمت ليها رسمي اخطبه ووافقت وكنت معاها وضغط عليها اعرفه بتحبني ولا لا وقلت ليها الا توريني قبل اسافر قالت لا انا ما بكرهك قلت ليها معناته ما بتحبيني قالت لو ما بحبك ما كان اخترتك ووافقت بيك المهم حلفت الا اسمعها منها وأسافر وقالته لي وسافرت وكنت اسعد إنسان......
وبعد سافرت بي شهرين قلت ليها نخطب رسمي في الاول الموضوع كان بينا وبين بيتهم المهم وبديت انا وهي نحضر في حجات الخطوبه. قريب شهر نحضر في الحجات وبعد داك حددنا يوم الخطوبه والامور مشت تمام الحمد لله وعلاقتنا بقيت احسن شديد وبقت تهتم بي حتي لو يوم رجعت من الشغل ونومت طوالي من التعب بقت تزعل تقول لي كيف نمت من غير ما تتكلم معاي . حتي مرات كانت بتقول لي بحبك وكنت اسعد انسان وكل فترة بجيب ليها هديه وتقول لي ربنا يخليك لي وما يحرمني منك ،وعلاقتنا مستمرة حتي حددنا العرس انا وهي بعد سنه ونص، بعد الخطوبة ف ب 3 شهور يوم كنّا بنتكلم عادي زي كل يوم وفقلنا واتحصنت ونمت لمن صحيت اصلي الصبح لقيت منها رسالة :
انا ما بقدر اكمل معاااك
انا أسفه لازم نخلي بعض
ما بقدر أواصل معاك
لمن قريت الكلام دا راسي ضرب وما قدرت أتحرك من مكاني ولا اعمل حاجه واتصلت ليها عشان افهم الحاصل ولي هي قالت كدا لقيت تلفونها مقفول وقمت صليت الصبح واستحميت ومشيت الشغل وفِي الشغل اليوم كلو بتصل مقفول ولمن رجعت اتصلت علي تلفون أمها وادتني ليها ولقيتها بتبكي قلت ليها بِسْم الله في شنو وافتحي تلفونك وامشي الغرفه نتكلم الحاصل شنو، بعد داك فتحت جوالها واتكلمت معاهو وهي بتبكي قلت ليها في شنو الحاصل شنو فهميني انا زعلتك في حاجه بعد مسافه وقفت بكا وقالت لي لازم نسيب بعض قلت ليها خير لي !؟!
قالت لي الولد البتحبو اهلو اختارو ليهو عروسة وحددو العرس وقالت هي بتحبو شديد وما قدرت تنساهوقلت ليها لخيرو ان شاء الله احتمال عشان انت ما قدرت تنسي ربنا عاوز يبعدو عنك ،.،قالت لي لا انت دمرت حياتي وانا بكرهك ولو انت ما كان خطبتني كنت حكون ليهو ونحن لازم ننفصل اليوم قبل بكره حاولت ابعد عنها ما قادر لي اكتر من 3 سنين بحبها مرات بفكر انتحر ومرات بفكر اسافر هجرة ل أوربا عن طريق البحر عشان اموت
حياتي كلها اتلخبطط ما قادر اشتغل كويس ولا بقيت مهتم ف نفسي وبقيت طوالي أحب انعزل من الناس وأكون قاعد براي والليل كلو ببكي بقيت أصوم اثنين وخميس وادعي ربنا انو ربنا ما يبعدني عنها وتكون من نصيبي.
ولينا 3 شهور ونحن في الحاله دي وماف حد عارف وهي قالت ما عارفه تقول ل ناس بيتهم شنو والسبب شنو قالت نقول نحن ما اتفقنا بس دا م بقنعهم وقالت لي انت شوف سبب وقول ليهم ما بقدر اكمل عشان الخطوبه تتفسخ قلت ليها ما بقدر انا اسف وانا بحبك حتي لو بتكرهيني وما بقدر استغني عنك قالت لي هو غصب يعني انا ما عاوزاك .
اسف للاطاله والأخطاء الإملائية لاني بكتب من الجول وبسرعة ؟!؟ افيدوني ماذا افعل ماخاب من استشار.

الحزن عنواني غير متواجد حالياً   رد مع اقتباس
قديم 07-01-2018, 11:24 AM   #2
الشيخ عيسى
المشـــــرف العــــام
 
تاريخ التسجيل: Feb 2007
الدولة: دومة الجندل
المشاركات: 16,702
افتراضي

الحمدلله والصلاة والسلام على رسول الله وعلى آله وصحبه أجمعين ونرحب بك ونسأل الله لنا ولكم الثبات والتوفيق
أما الجواب على سؤالك
وعليكم السلام ورحمة الله وبركاته
ما دام الأمر كما ذكرت فتذكر أقدار الله تعالى على عباده حيث هو المتصرف بهذا الكون علويه وسفليه والأقدار تجري بأمره سبحانه وتعالى وقد يحصل أن المسلم يرى أمراً هو يرغبه ويختار الله عز وجل له أمراً آخر يخالف ما تهواه نفسه وتريد وعلى هذا قال الله تعالى ( وهو شر لكم ) سورة البقرة فما دام الأمر وصل إلى هذا الحد فاعلم أن الله تعالى قدر لك أمراً قد يكون فيه الخير لك رغم ما تعانيه
الشيخ عيسى غير متواجد حالياً   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 10:48 PM.


Powered by vBulletin® Version 3.8.0
Copyright ©2000 - 2018, Jelsoft Enterprises Ltd.