السلام عليكم ورحمة الله وبركاته
ياشيخي موضوعي من البداية اني اتزوجت راجل من بلد غير بلدي ووعدني انو نستقر ببلدنا خلال سنتين او تلاته وكان شرطي للزواج ان اكمل تعليمي واكتشفت بعد الزواج انو اهلو ما بدهم ينزل البلد وامو قالت هتغضب عنو لو نزل سكتت ياشيخي، وانا كل فترة برجع البلد وباقعد عند اهلى عشان اكمل دراستي، وخلصت نص الدراسة تقريبا المشكلة ياشيخي انو هادي المرة زوجي طالب اني ارجع ووالدي وضعو الصحي ما بيسمح انو يوصلني فزوجي قال جدو(ابو والده) يطلع معي بالسفر ، ابويه ما رضى وقال انو يا بتطلع معى الحج و زوجتة او بينفعش تطلع معو وانا زوجي ما بيقدر يجي يخدني هو، وكبرت المشكله ووصلت انو زوجي قلي يا بتسافري الاسبوع هادا يا بضلي عند اهلك على طول وانا عندي بنت وحامل ، غير هيك قال انو ما راح يتعامل مع اهلي بعد هيك يعني لا راح يكلمهم ولا يسمحلهم يزورنا ، ايش اعمل يا شيخي ، انا بنت وحيدة اهلي ومالهم غيري وانا متعلقة فيهم كتير ، ومبديش اخرب بيتي واضيع اولادي ولا اغضب ربنا بمعصية جوزي ارشدني الله يجزاك الجنة