بسم الله الرحمن الرحيم
السلام عليك ورحمة الله وبركاته
ياشيخ أنا صارت عندي مشاده كلاميه أنا ومرة أخوي(وهذي اول مره يصير كذا معي)
المهم .. هي ياشيخ أتهمت أمي بالنفاق .. قلت حسبي الله ونعم الوكيل
كيف حكمتي على أمي
هل أحد وصلك كلام إنها تسبك من وراك لإن هذا مفهوم النفاق تعاملك زين قدامك وتسبك من وراك
.. قالت لا والله بحياتها ماسوت لي شي وهذا اللي
قاهرني لإن أمك ماتتكلم كل شي بقلبها .. قلت أجل كيف عرفتي
حنا مالنا إلا الظاهر .. والنوايا علمها عند الله
قالت إلا إمك تنافق بحبها لي عشان تستحوذ على ولدها !!!
ولأني واثقه بنية أمي ياشيخ .. قلت لها
الله يعطي أمي على قد نيتها << إذا كانت صادقه أومنافقه
ويعطيك على قد نيتك<< إذا كنتي ظالمه أمي
وزعلت بالمره لأني قلت حسبي الله ونعم الوكيل
ولأني دعيت باللي عليها وعلى امي
وتقول ماراح أسامحك لإنك تحسبتي علي <<على الرغم إنها لو كانت هي الصادقه
بكلامها أنا اللي رايحه أتعاقب ..
(( وش رايك ياشيخ باللي قلته .. والله العظيم لو ماكنت واثقه بحب أمي لها كان ماقلت شي))
وربي يجزاك كل خير ..