الحسد

[البلبلة]

السلام عليكم ورحمة الله وبركاته

شيخنا الكريم اريد ان اعرض سؤالي عن امر ماء يحدث معنا ولا ادري هل هذا ابتلاء ام حسد وماذا افعل وارجو منك سعة صدرك وقراءة الموضوع كله الموضوع باختصار :

ان زوجي اشترى سيارة قبل ثلاثة اسابيع وقرر ان نذهب بها الى العمرة وقبل شراءها فحصها فحص شامل لم يكن بها شئ وقبل السفر اعطاها لميكانيكي شيك عليها وصلح كل شئ فيها والحمد لله كانت تمام ذهبنا وفي الطريق بعد حوالى 200 كيلو متر بدأت تنزل زيت وكل ما يوقف في بنشر يقولو مش عارف الزيت يتزود منين حتى وصلنا لواحد ربنا يسر وعرف مكان الزيت وزوده كملنا بيها لمكه بصعوبة وهناك وداها لميانيكي برضو مقدرش يصلحها قال لزوجي معرفش السبب ايه شويه وقاله بتاخد وقت المهم مصلحهاش واضطرينا نشحنها ونجيب عربية مخصوص نرجع بيها واتكلفنا مبلغ كبير وهنا وداها ورشه قاله جابت ماكينه بتكلفنا مبلغ كبيير ولسه فيه حاجات تانيه فيها لما نصلح المكينه نشوفها اضطر زوجي انه يستلف ويتداين علشان يصلحها
المهم اللي خلاني اشك انه عين ان ناس كتيرة مستكترين علينا العربية منهم فكرنا رايحين عمرة بيها علشان نوفر فلوس والعمرة غالية وبالسكن واحده بتقولي انتو ليه جايبين عربيه كبيرة احنا مش بتوع العربيات دي وواحده قالت لصحبتي انها اشترت جيب يعني فلانة (تقصدني انا ) تركب جيب وانا لا وجار لينا بالسكن عينه وحشه شويه اول ما يلاقي زوجي يجيب سيارة يجري ينشر الخبر في الشغل عنده ويقول انه جاب سيارة جديده مع انه معاه فلوس ويقدر يجيب احسن منها مش عارفه ليه مستكتر علينا نغير السيارة والعام الماضي زوجي غير السيارة ومكنش باع سيارته القديمة لسه راح جارنا ده قال في الشغل ان زوجي عامل معرض سيارات قدام العمارة مع ان السيارتين مستعملين مش ساحبين حاجه من الصاله وساعتها جوزي اضطر علشان الكلام ده يبيع السيارة القديمة بأرخص ثمن ومع ذلك مخلصناش زوجي تعب تعب جامد وباظت ادواتنا الكهربائية في البيت مرة واحده وكركبت علينا من كل ناحيه وزوجي متعلمش وجاب السيارة دي مع اني مكنتش موافقه واللي خفت منه حصل وملحقناش نفرح بيها واتنكدنا وخصرنا الفلوس واتداينا ومش عارفه اعمل ايه
لو دي عين اعمل ايه انا مش عارفه مين حاسدنا بالظبط شاكه في ناس كتييير ومش عارفه نتخلص ازاي من العين ونعمل ايه انا بشغل الرقيه في البيت بس مش عارفه كده كفايه ولا اعمل ايه
ارجوك يا شيخ تقولي اعمل ايه انا تعبت وحاسه ان العين محاصرانا من كل ناحيه ومفيش حاجه بنعملها بنتهنى بيها من يوم نقلت في السكن ده فكرت اسيبه واسكن في مكان تاني فهل ده حل ولا اعمل ايه
للعلم زوجي طيب واللي خلاه يغير العربيه لوحده اكبر اننا لما بخرج للطلبات بناخد معانا اسرة اصحابنا مش معاهم سيارة علشان لو لازمهم حاجه من مكان بعيد مش يقدروا يروحوه مشي يخرجو معانا يجيبوها يعني قصده خير برضو يوسع علينا وعمل حساب غيرنا معانا

[الشيخ عيسى]

الحمدلله والصلاة والسلام على رسول الله وعلى آله وصحبه أجمعين ونسأل الله لنا ولكم الثبات والتوفيق
وعليكم السلام ورحمة الله وبركاته
أفيدك أن من يشك أنه مصاب بالعين وهي النظرة يجتهد بالدعاء والذكر وتلاوة سورة البقرة وبالأخص آية الكرسي ويرقي نفسه ولا مانع أن يقرأ بماء م يرش بيته وسيارته .