اريد الطلاق

[اشكرك يارب]

محتاجه استشاره فى الطلاق متجوزه من 5 شهور شوفت العذاب جوزى مكنش كدا فى الخطوبه بعد الجواز اتحول لحد تانى مش عايز يقعد فى بيته وبعد كدا عايز يفضل عند مامته وبدا يعمل مشاكل ليا معاهم ويحول كلام انى بمنعه عنهم وقسما بالله انا اللى بقله يودهم تصرفاته مش طبيعيه كرهنى فى شقتى بكل الطرق واخرها ان فيها عفاريت وكل شويه يطلع كلام غلط عليا عنده اهله بالدنيا بهدلنى عشان بقله عايزاك معايا وانا لسه عروسه فرض عليا اقعد عن اهلى 3 ايام وفى شقتى 3 ايام عشان مش قادر يبعد عن شقته الاولى مش عشان خاطر اهله زى ما قال وانا مينفعش اقعد معاه عشان باباه عايش وميصحش انا اتبهدلت من تصرفاته الغير منطقيه وعملت معاه المستحيل ووقفت جنبه كتير وكل حاجه تحصل بينا يحكيها لاهله صغيره وكبيره عمرى والله ما عملت اهله وحش رغم انهى ضيقونى كتير انا والله العظيم تعبت طلبت الطلاق الموضوع طويل وفيه تفاصيل كتير انا حاولت اختصرها فى السطور ديه انا بنت ناس ومتعلمه تعليم عالى وهو بيبهدلنى والله والله ما عملتله حاجه ولا حتى بطلب منه اى مصاريف . هل عليا وزر فى الطلاق بعد كل دا وهل كدا بظلمه
ملحوظه : هو مش عايز يعيش فى بيته ولا عايز خلفه ولا عايز اصلا يصرف
ارجوكم ساعدونى انا مقعدتش فى شقتى شهر على بعضه بعد الجواز خاصه لما قال عل العفاريت اللى فيها انا تعبانه جدا