مشكلتي مع امي 💔

[May23]

السلام عليكم .. يا شيخ انا مشكلتي مع امي اني مو قادره احبها ولا احن لها او اشتاق لها
أرجو ما تستعجل بالحكم علي بالعقوق
انا الاولى بين واخواني واخواتي 5 اصغر مني
من زمان عمري ما حسّيت بحب امي لي
ولا حنانها
عمرها ما كانت قريبه مني
مواقف كثيره في طفولتي صارت بيني وبينها فيها جفاف عاطفي فضيع وتجاهل وعدم اهتمام من ناحيتها ..اذكر منها موقف صار وانا خامس ابتدائي صارت لي مشكله وكان لازم حضور امي للمدرسه والله العظيم ترجيتهم رجاء وبكيت ووعدت اني مااكرر غلطي واسوي كل اللي مطلوب مني بشرط امي ماتجي المدرسه من كثر مااحسها غريبه عني هذا وانا طفله عمري 11 سنه
الان عمري 33 سنه قسم بالله مااعرف حضن امي ولا عمرها حضنتني او ضمنتي لها
لا في فرح ولا في حزن
مرت علي مناسبات كثير (تخرج -زواج -ولاده )
والله ما حسّيت بفرحتها
ماانكر انها تجي وتبارك لكن مافي فرحه حقيقة فرحه ام لبنتها
عمري ما فتحت لها قلبي بشي ...مااقدر فيه شي يمنعني
احس انها انسانه غريبه عني ومااقدر اصارحها بشي يضايقني او مشكله صارت لي
ولا احس تفرح لي اذا جيت ابشرها ..يعني انا حملت بعد انتظار سنين وجيتها اقولها اني حامل .. والله كانت رده فعلها محبطه بشكل مو طبيعي وهي جالسه مكانها قالت مبروك مع ابتسامه ..اليوم انا جاني خبر مفرح في حياتي والله ما أفكر ابدا اقولها لاني بصراحه احيانا احسها رده فعلها كانها ما تتمنى لي الخير .. انا متزوجه من 12 سنه عمرها امي ما جابت لي شي في يدها لو بسيط تفرحني فيه ..لو مجامله قدام زوجي لكن تهدي الناس واخواتي صح مو دايما لكن ع الأقل تتذكرهم بشي واخرهم زوجه اخوي مجرد شغله عجبتها عند امي .. وفورا امي راحت السوق تشتريها لها.
انا قايمه بواجبها اروح لها دايما ..واسال عنها
واجيب لها اللي تحتاج سوا هي تكلمت وطلبت او من غير ما تتكلم لها او للبيت .. ومالي فضل في ذَا الشي
سوالي / هل علي ذنب انا اقسم بالله العظيم غصب عني وشئ مو برغبتي ولا بإرادتي اني مااحبها مشاعري من ناحيتها بارده