تكفووون ابغي الرد اليوم قبل بكره :(

[عمر الصعيدي]

السلام عليكم ورحمه الله
ارجو الرد بسرعه
تكفووون والله ضروري حالتي النفسيه زفت :-(

يا شيخ ارجوك ابغي حل في اسرع وقت انا تعرفت على بنت عن طريق برنامج الانستقرام
والله مرت علينا اربع شهور انا وهي واحنا نكلم بعض بس والله ما جبنا طار الحب ولا مره بس كنا نتكلم كلام عادي عن المدرسه والحياه بشكل عام بس ما قلت لها اني احبك غير يوم تركتها تقريباً قبل اسبوعين وهي بعد كانت تبغي تخلينا نترك الكلام في الخاص بس الحمدلله صار خير
انا من طبيعتي احب اسعد اي شخص باي شيء اقدر اسويه فهي كانت لما اسوي لها ليكات او تعليقات كانت تحب هذا الشيء فانا دائما كنت اسوي لها هذا الشيء من حساباتي كلها اللي في الانستقرام فهي دائما كان هذا يسعدها وهذا شي يسعدني لما اكون انا سبب سعادته
المهم قبل لا اتركه سويت حساب عدد المتابعين حوالي 6 الآف وعطيته ايه علي شكل هديه هذا شي اسعدها بعدين تركته وصار لي اسبوع وداخل في الثاني بس لاحد الحين هي في بالي ما ادري ايش اسوي والله
برغم انا ما شفتها ولا شافتني ولا كلمتها جوال ولا شيء بس بالكتابه ارجوك يا شيخ ساعدني ربي يجزيك الجنه .
فكرت اخذ الحساب منها بس قلت عيب اعطي شيء احد بعدين اخذه برغم ان قصدي خير والله وهو ما اخليها تتذكرني بشي
يا شيخ والله انا هذه اول بنت اكلمها في حياتي برغم اني كنت ضايع بس الحمدلله ربنا تاب علي
البنات عندي كانت خط احمر بس ابليس لعب علي الحمدلله حصل خير
يا شيخ للعلمك انا في دوله وهي في دولهوهي نفس عمري للاسف 17 سنه :-(
انا الحين اعترف بغلطتي وابغي منك النصح والمشورة الطيبه
ابنك عمر :-)