انا وحماتي وميراث زوجي
 

السلام عليكم ورحمة الله وبركاته

عندي اسفسار واستشارة حول موضوع شخصي وعاجزة عن اخد اي قرار فيه واحتاج المساعدة والمشورة

مبدأيا كدة انا كان مكتوب كتابي على انسان محترم اوي وكان بيحبني جدا ودايما يسعى انه يعمل اي حاجة تفرحني مكنش بيعكر صفو حياتنا الا تدخل والدته المستمر في علاقتنا وكانت بتغير عليه غيرة عمياء وبتتصرف معايا تصرفات مزعجة جدا وعلى طول تقريبا زعلانة مني لية مش عارفة ومكنش عاجبها اتفاقاتنا في الجواز رغم ان زوجي كان موافق بس كانت بتحرضه وتقوله دول مش جايبين حاجة دي حاجتهم وحشة وربنا عالم انا كنت جايبة حاجات شكلها ايه وربنا عالم برضه اني مش بتجنى عليها وبحكي اللي كان بيحصل بالتفصيل ..

المهم شاء الله تعالى ان يرحم زوجي من اللي هو فيه واتوفى في حادث سيارة الله يرحمه يارب ويسكنه فسيح جناته .. بعد الوفاة بايام قليلة اقرحت عليا والدته اني اعملها توكيل عام عن ميراثي طبعا انا موافقتش وهي عملت من الموضوع دة حكاية كبير واشتكتني لكل الناس وعرفت ساعة اما كنا بنقدم عشان اعلام الوراثة اني ليا الحق في
- المؤخر بتاعي كاملا
-عفشي اللي كنا فرشينه سواء الي هو جايبه او اللي انا جايباه
-ليا الربع في كل مايملك

المشكلة بقى دلوقتي اني اول حاجة عارفة طبعا ان دة ميراثي شرعا وقانونا بس انا مستكتراهم على نفسي اوي وخصوصا ان ايام ماجينا نعمل المؤخر ساعت كتب الكتاب كان خطيبي مستكتر المؤخر اوي ومش راضي يكتبه بس اهلي صممه وانا وعدته ان دة اجراء شكلي بس وحتى لو حصل مشكلة او حاجة انا عمري ماهطلبه بيهم
تاني حاجة والدته صعبانة عليا اني اخد منها الفلوس دي وكمان العفش اللي جايبه ابنها وفي نفس الوقت بفتكر اللي كانت بتعمله فيا واقول لا مش هسيبلها حاجة من حقي وخصوصا اني عارفة لو اتنازلتلها عن حاجة مش هتشيللي الموضوع دة جميل بالعكس دة هتعتبره حق مكتسب
تالت حاجة اني خايفة والدته تدعي عليا لو خدت حاجة من الحاجات دي بدون رضاها

رابع حاجة ودي الاهم خايفة ازعل جوزي في تربته لو لاقى امه مش راضية عني بجد نفسي اما اقابله ان شاء الله يكون مش زعلان مني

موضوع الميراث دة محيرني اوي ومش لاقية اي حد بيفهم يحللي مشكلتي ارجو المساعدة منكو والمشورة ياترى اتصرف ازاي .. وشكرا ليكو اوي

الحمدلله والصلاة والسلام على رسول الله وعلى آله وصحبه أجمعين ونسأل الله لنا ولكم الثبات والتوفيق
وعليكم السلام ورحمة الله وبركاته
الأصل أن لك الحق في الميراث لأنك زوجته بالعقد الصحيح إلا أنه لم يدخل بك وعلى هذا لا يجوز لأمه أن تمنعك من ميراثك الذي قسمه الله لك لأنك زوجة للمتوفي والله تعالى يقول (والذين يتوفون منك ويزرون أزواجاً يتربصن بأنفسهن أربعة أشهر وعشرا ) فعلى هذا إن طالبتي بنصيبك من الميراث فلا ملامة عليك وإن دعت عليك لا تنشغلي بالأمر فالله تعالى حكيم عليم وأنت لم تظلميها بأخذ شيء ليس لك ومن ثم لا داعلي للقلق فإما أن تطالبي بحقك من الميراث والشرع معك وإما أن تتركيه كله وتطلبي عوضك عند الله .
ومن ثم إذا كانت أمه ضعيفة المال ومسكينة وتنازلتي عن حقك من الميراث واحتسبتيه صدقة عند الله لك تؤجرين عند الله ( وما عند الله خير وأبقى )