التأمينات
 

السلام عليكم ورحمة الله وبركاته

فضيلة الشيخ عيسى ...
انا امرأه مطلقه أعيش واولادي واختي في بيت اهلي وامي وابوي متوفيين واولادي في سن المراهقه ماشاءالله الكبير ربي يحفظه يدرس بأول سنه في الطب
والثاني بثالث ثانوي بارك الله فيه .. ومن حوالي 3 اسابيع جاء واحد من اولاد اخويه ليسكن معنا عمره 28 مطلق وعنده بنت عمرها 6 سنين وغير موظف وفي الحقيقه ولد اخويه هذا انا ماارتاح له لديه افكار غريبه لاتتناسب لأن يعيش مع اولاد في سن المراهقه ودايما امنع اولادي من الاكثار من مجالسته والآن اصبح بوسطنا ويعيش معنا اخاف على اولادي منه والله ياشيخ ضاقت علي الدنيا ماني عارفه اهرب بأولادي لفين صحيح ولله الحمد انا مربيه اولادي كويس لكن خايفه من من قوة تأثيره عليهم وهو فعلا بدأ يؤثر فيهم عشان كدا انا خايفه ومرعوبه اني افقد السيطره عليهم ويعلم الله بحالي تعبت وربيت وعانيت وذقت المر لين ماكبروا والحمدلله فهل يجوز آخذ من رواتب التأمينات بما يسمونها السعوده هي شركة تاخذ اسمي كوني سعوديه وتعطيني راتب شهري وانا في البيت عشان اقدر استاجر مكان ثاني لأن حالتي الماديه ماتسمح لي اطلع برا بيتنا واستاجر بيت ثاني.... واذا مايجوز فما هو الحل ؟ ارجوكم أغيثوني

طيب ايش اسوي ياشيخ انا لا حول لي ولاقوة إلا بالله انا خايفه على اولادي انا في هم مايعلم به الا الله دلني على طريقه او فعل اي شي حتى اقدر اعيش واولادي بعيد عن ولد اخويه .. عندنا هنا في مدينتنا الاوقاف والاربطه صعب التقديم فيها لأن كل واحد يحوول على الثاني فين أودي نفسي ارجوكم أغيثوني والله ثم والله من يوم جاء يعيش عندنا ماعرفت طريق للراحه لا في نوم ولا اكل ولا مجلس .. حتى اخويه الكبير كلمه يطلع من البيت وكمان والده عرض عليه يبني له ملحق ولبنته وهو رفض طيب انا ايش اسوي ارجوكم أوقفوا معايا دلوني على حلول ممكنه .... ربي يرضى عنك ياشيخ لاتتاخر علي بالرد ....... انا في هم كبير ولا اعرف احد غيرك ممكن يساعدني